4星毛之蓮 Lub lub 推介
KOKA小野人
寵物友善級別: ⭐️⭐️⭐️
毛芝蓮評分 🅁🄰🅃🄸🄽🄶:
（5分為最高，可有0.5分）
🐶寵物友善：3.5/5
😋食物：4.5/5
📸環境/打卡：4/5
💰性價比：3/5
👍🏻推介度：4/5
今日行行吓發現咗間新嘅餐廳，膽粗粗嘅我就走去問人哋可唔可以入🤪原來餐廳都歡迎狗狗進入，既然係新餐廳身為毛孩記者嘅我當然要入去試一試啦🤩！睇吓值唔值得推介俾朋友仔啦！本來以為燒烤店會好大煙，但係一入到去發現係無煙嘅燒烤。而且Menu都好吸引，好多好特別嘅食物🍢每一張枱上邊都會有一個迷你燒烤爐，係用嚟防止啲串串凍架。
一入到去發現係無煙嘅燒烤。而且Menu都好吸引，好多好特別嘅食物🍢每一張枱上邊都會有一個迷你燒烤爐，可以用嚟整返熱啲串燒。餐廳係用QR code落單，一掃完嗰code，嘩！勁多選擇，最後肚餓嘅哥哥姐姐一次過叫咗好多想試嘅嘢😂😂 上菜速度都幾快，5分鐘左右就上哂所有野，串燒嚟到就已經係熟咗，即刻就可以食😋 就算放耐咗凍晒都唔緊要，可以即刻用個爐整返熱佢。
食物方面，好多樣都好好食😂 等我逐樣講吓啦！羊肉串整得啱啱好，完全冇羊既騷味，配埋上面嘅辣粉，食完一串又一串停唔到口🤣燒茄子🍆蒜蓉味好重好香，就算唔鍾意食蒜蓉都仲可以揀芝士味😋
燒臭豆腐，好少餐廳，特別係燒肉店可以食到，臭味十足，但食落非常香口，外脆內軟，鍾意重口味嘅一定要食🤩🤩烤生蠔，一樣係可以揀蒜蓉或者芝士味，我哋就試咗蒜蓉味。生蠔本身都算新鮮，蠔味足，配埋啲蒜蓉同辣粉一齊食，非常過癮👍
最後要推薦俾海鮮愛好者既就係烤蟶子，蟶子都幾大條，夠鮮味，冇沙洗得好乾淨，烤得啱啱好唔會太韌，不過呢價錢就偏貴，如果唔係應該會無限encore🤣🤣總括嚟講小野人喺呢區算係幾特別嘅一間餐廳，可以帶寵物之餘，又可以試一啲特別啲嘅食物，鍾意烤肉同傳銷嘅朋友一定要嚟試吓。食物全部都好好味，不過價錢就偏貴，但係都非常推薦😬😬 另外要留意就係餐廳嘅串燒全部都有辣粉，而且都真係幾辣嘅🥵 鍾意食辣嘅朋友會非常開心，但係唔食得辣嘅，就記得喺落單嘅時候備注要走辣啊！同埋餐廳要求寵物一定要坐車仔，想去食嘅話記得要帶埋寵物車，或者去附近商場租都得㗎！
圖片來源：shiba.lublub
📍小野人 (將軍澳)將軍澳澳南海岸唐俊街23號MONTEREY Place地下G25A號舖
☎️: 28612862
「友善級別」指南：
5 – 人寵共膳
4 – 能與主人室內同座
3 – 可落地行走
2 – 可手抱寵物
1 – 放在手推車/寵物袋