5星毛探長 關冬冬 推介
Woof Magic
寵物友善級別: ⭐️⭐️⭐️⭐️⭐️
毛芝蓮評分 🅁🄰🅃🄸🄽🄶: （5分為最高，可有0.5分）
🐶寵物友善：5/5
😋食物：5/5
📸環境/打卡：5/5
💰性價比：5/5
👍🏻推介度：5/5
終於去左西貢既WM Hotel 裡面既 Woof Magic, 餐廳係寵物友善，本大爺同朋友仔們可以大搖大擺咁行入去，由其是夏日炎炎，出面就黎40度既高溫，熱死辣辣，可以入去嘆下冷氣，飲下野抖下不知幾爽!
餐廳分開兩部份，有好多打卡位，一邊除左可以同奴才們一齊坐係樓梯級既餐台食野，仲有好多玩具野食同衫仔賣，所以如果肚仔餓，可以先叫野食，之後先慢慢睇下有咩岩心水，呢度貨品種類好多，基本野令食、玩具、風乾小食、床仔、衫仔、清潔沖涼用品，應有盡有，一定唔會係淘寶貨，牌子有質素，勁呀!
餐廳另一邊就係BAR 台廚房，仲有幾多坐得好C 服既SOFA 位，佈置幾特別，本大爺同朋友仔叫完野食之後又打左一大輪卡，令呀!
至於食物方面，呢度有埋寵物餐單，係「餐單」，唔係得個一兩樣，而係好多樣可以揀，今次本大爺同左LING 妹一齊黎，佢就最大食，所以叫左好多野食，價錢唔算貴，出到黎既賣相仲要擺得好令，岩唒本大爺打卡至上既要求，抵讚!
奴才食物係大路既西式食品，意粉小食都有，不過本大爺就覺得我地D 寵物食物正好多了~ 呢間餐廳本大爺好小可咁比全部滿分，黎過又或者未黎過既記得多D 襯啊!
圖片來源 IG：@kwan_tungtung_poodle
溫馨提示，雖然餐廳係非常之寵物友善，不過話唒都係室內地方，如果可以既就用一用片片，又或者主人一定要記得清潔好地方，唔好當睇唔到呀! 另外餐廳坐位都比較多，所以可以隨時WALK IN都得!
📍: 西貢惠民路28號WM酒店LG樓C2B號舖
☎️：97478349
「友善級別」指南：
5 – 人寵共膳
4 – 能與主人室內同座
3 – 可落地行走
2 – 可手抱寵物
1 – 放在手推車/寵物袋