⭐⭐⭐⭐四星毛芝蓮Misu毛芝蓮熱門推介💖💖
毛芝蓮評分 🅁🄰🅃🄸🄽🄶: （5分為最高，可有0.5分）
🐶寵物友善：4.5/5
😋食物：4/5
📸環境/打卡：3.8/5
💰性價比：4/5
👍🏻推介度：4/5
🌼元朗幸福森林咖啡館🤎
✨✨✨✨✨✨✨✨✨
星期六朝早落完雨，爸爸媽媽帶我去一間屋企附近既cafe，Cafe睇落好似一間啡色小木屋，室外座位可以俾狗狗同主人坐。呢度有一班哥哥姐姐們都過嚟同我玩😆，仲有免費泊車🚗，等我米蘇蘇叫爸爸媽媽多啲帶我過嚟先😝！
呢度用手機QR code落單📱，餐廳有手工製香脆薄餅🍕、意粉🍝、三文治🥪、沙律🥗、湯🥣、小食🍟同甜品🍰提供。飲品選擇亦有好多，包括單品咖啡、混合咖啡、精選咖啡、茶等等。亦可以加$25升級做套餐，加配$35以下既餐飲☕️。
班尼迪蛋配煙三文魚 $118
一切開班尼迪蛋🔪，蛋汁流出滲透落麵包到🥚，麵包烘過有少少香脆感🍞，內裏鬆軟。同埋煙三文魚一齊食，配合得幾好。伴碟有切條芒果肉🥭、黑醋汁沙律菜🥗同車厘茄🍅，芒果肉好香甜💛！
墨汁鰻魚薄餅 $128
手工製薄餅餅底薄身香脆，鰻魚煙煙韌韌好好食阿🤤，墨汁同鰻魚味道都好夾👍🏻。
香蕉熱朱古力（+$33）
Minion小小兵拉花超級可愛😍！入落有香甜既香蕉味🍌同濃郁既朱古力味🍫，好好飲阿！
熱泡沫咖啡 （+$30）
心形拉花打卡好靚！咖啡係nutty既咖啡豆，入口順滑☕️。
檸檬蛋白撻 $58
店員會係上碟前喺檸檬撻上面加上蛋白霜，食落好似泡沫咁🫧，入口即溶。檸檬撻食落甜甜酸酸🍋加上餅底脆身，配埋蛋白霜，口感同味道都豐富😋。
📍：元朗新田下新圍村福興里23號
☎️：97052824
「友善級別」指南：
5 – 人寵共膳
4 – 能與主人室內同座
3 – 可落地行走
2 – 可手抱寵物
1 – 放在手推車/寵物袋