⭐⭐⭐⭐⭐五星毛探長Moji毛芝蓮熱門推介💖💖
毛芝蓮評分 🅁🄰🅃🄸🄽🄶: （5分為最高，可有0.5分）
🐶寵物友善：5/5
😋食物：5/5
📸環境/打卡：5/5
💰性價比：5/5
👍🏻推介度：5/5
🌼《360度寵物友善星空營》🌌
✨✨✨✨✨✨✨✨✨
𝐌𝐨𝐣𝐢晉升毛孩街最高級別🌟🌟🌟🌟🌟五星毛探長再成為六月份總毛探長後,得到「一毛有一個夢想💭」呢份大獎🏆我哋一家三口選擇咗去住「360度寵物友善星空營🌌」
因為好想同𝐌𝐨𝐣𝐢做D平時未做過/少做嘅野，而我哋嘅願望係可以攬住𝐌𝐨𝐣𝐢喺床上面一齊望住滿天嘅繁星。第二日一擘大眼就一齊見到個太陽🌞我哋上網搵咗好耐，可以俾寵物一齊去嘅營/露營車其實唔多，可以俾🐶一齊上床瞓而且360度全透明嘅真係得呢度可以。
所以諗都唔使諗，即刻鎖定目標✅我哋入住嘅星空營位於大嶼山貝澳。入去嘅車輛係必需要有👉🏻禁區紙，而大嶼山的士數量非常少，所以我哋選擇咗Call車出Call車入，確保一定有車🚙否則真係可以等幾個鐘都冇車㗎。
當日出席完「毛孩街x圍方」嘅活動後，𝐌𝐨𝐣𝐢就帶住自己個篋仔，著住醒神嘅🕵🏻♂️毛探長套裝出發去營地。一入到去首先見到道閘，職員哥哥會出嚟開門俾我哋，行上小小就係小賣部同大草地（呢度係Check In/買嘢飲買嘢食/俾小朋友or🐶玩嘅地方）再行上小小已經係我哋嘅營地。一去到見到個營真係好興奮，放底D嘢，我哋就同𝐌𝐨𝐣𝐢周圍影相相，俾佢跑下行下，影到咁上下時間，就返入營內嘆冷氣等待BBQ。
我哋個寵物友善星空營提供：
（一張雙人床🛏️+戶外檯椅連遮陽防雨帳篷+室內空調+電暖毯+電風筒+USB 充電位+Wifi+藍芽擴音器+寵物水池連吹毛機+寵物食用碗+寵物床墊）‼️牙刷毛巾方面需要自備或營地有售
而𝐌𝐨𝐣𝐢竟然寵幸張床仔😍平時佢會當棉質地嘅床仔係玩具，呢張床佢真係有瞓喺上面🤤（證明應該幾舒服。
場地仲送咗兩份BBQ餐🥩俾我哋，職員哥哥又請我哋食🦐超級開心呀。
我哋原本驚唔夠食，所以自己再買咗少少食物入去，點知原來係非常夠食嘅😬可以唔使額外買食物入去都得。第一次同𝐌𝐨𝐣𝐢喺戶外燒烤，𝐌𝐨𝐣𝐢仲帶埋個迷你小兔兔燈籠🏮同毛孩街送嘅小月球去慶祝中秋節🥮。場地送俾我哋嘅食物味道真係幾好（特別係雞翼🐓非常好食），重點係個爐係外國庭院用嗰D燒烤爐（用炭），唔使自己慢慢篝火👍🏻又較安全（場地都好多小朋友去）放哂D食物上去就可以等熟等食啦☺️。👨🏻負責燒，👩🏻負責陪住𝐌𝐨𝐣𝐢，真係好鬼幸福，雖然嗰度係郊外，不過真係冇乜蚊，因為佢哋會成日打草，將啲草盡量打到好短（🫶🏻好貼心呀）。
食完嘢抖左陣，聽到美妙嘅歌聲同結他聲，沿住聲音方向走就見到場地一班哥哥姐姐喺度Jam歌
Yeah！No Music No Life🤟🏻！我哋同𝐌𝐨𝐣𝐢去聽咗陣歌，成個感覺好Chill呀😍😍嚟到晚上洗白白嘅時間
每個營都有自己嘅一格洗手間用🚾場地一早安排好，不過洗手間同個營會有少少距離，需要行過去使用
洗完白白梗係繼續喺營入面同𝐌𝐨𝐣𝐢影下相談下情啦。唔可以錯過喺營內嘅每一秒㗎，入到嚟呢啲地方，真係要放下手機📱好好享受一下慢活一下。
第二朝早上，哥哥幫我哋換咗水池D水，我哋就同𝐌𝐨𝐣𝐢玩咗陣水，玩完用吹風機吹返乾，我哋就準備Check Out離開營地了。Check Out過程非常快，哥哥去我哋個營入面睇吓有冇D嘢損壞或者少咗，基本上冇乜問題就已經即刻退返按金俾我哋啦，我哋懷着依依不捨嘅心情要返回現實世界了。
今次真係一個好難忘嘅回憶，能夠同𝐌𝐨𝐣𝐢喺一望無際嘅星空下影相而又影到個「感覺」。確係難得，當晚月亮太光，我哋肉眼見到好多靚星星。但係真係好難影到出嚟，你叫一個成年人Hold住十幾廿秒完全唔郁唔眨眼唔呼吸係一件無可能嘅事，而我哋要影星空+人+狗。全部都要完全唔郁係更加更加更加難，所以影到個「感覺」出嚟已經好滿足。𝐌𝐨𝐣𝐢當時有好乖乖盡量唔郁❤️同時亦辛苦哂攝影師👨🏻盡力拍攝，所有照片都係一個回憶，幾多年後拎返出嚟睇都會係一種感動一種難。
多謝毛孩街成就咗我哋同𝐌𝐨𝐣𝐢好多好多嘅第一次💕多謝哂星園嘅安排以及所有友善職員哥哥嘅幫忙，同哥哥s傾偈好開心。期待下一次再同你哋見面💋
話時話，聽講「360度寵物友善星空營🌌」將會有2.0出現，睇完我哋呢篇文章。好想帶🐶👶🏻去住去玩嘅快D聯絡星園啦，佢哋D營好難book 㗎🤫🤫🤫
📍：新界離島區大嶼山貝澳牛坳園48號
☎️：92639078
「友善級別」指南：
5 – 人寵共膳
4 – 能與主人室內同座
3 – 可落地行走
2 – 可手抱寵物
1 – 放在手推車/寵物袋