如何申請實體商家？（一） （申請前必須先以個人登記成為會員）
1) 首先，打開<毛孩街> Apps ，喺右下角「我的」選擇「更多」，再按頭頂「申請成為商家」後，選擇「申請實體商家」；
2) 選擇一幅代表你公司嘅頭像，填寫商戶名稱，有打星星嘅必須填寫；
3) 填聯絡電話及營業時間（建議盡量詳細列明）；
4) 然後填寫商戶地址同路線簡介（例如喺邊個地鐵站出口行幾多分鐘⋯等等) 令客人更清楚明白點樣去到你店舖，再選擇商戶地區及分區；
5）按入地圖位置，可以放大及移動地標，當地標停低，詳細地址會喺下方彈出，如果正确可以按綠色√號便完成了。
如何申請實體商家？（二）
1）按入商戶分類後，選擇一個分類，再有唔同細分需要填妥嘅資料，搜尋關鍵字會有限制數目，選擇最能夠代表你商店特性頭幾項，跟住繼續依指示填寫所有資料，按確定；
2）按圖片上的“+”號，喺你相簿庫選擇產品或服務圖片，最多可以放置10張，建議定期更換最新推廣圖片以保持活躍度；
3）第一張圖片會首先展示，你可以長按拖動排序。亦可以點擊圖片，打出圖片嘅描述；
4）最後可以填寫100字內嘅商店介紹，再按提交申請。
<毛孩街>會喺72小时內批核申請實體商家！
批核之後，喺Apps首頁最上面搜尋位置就可以搵到你申請嘅商店㗎喇！下一部快啲同我哋傾吓<毛孩街> 身份證優惠，同埋叫你地嘅朋友或者顧客留言啦！
如果想商店增加暴光率，歡迎隨時聯絡我哋了解詳情！
如何申請網店？（一） （申請前必須先以個人登記成為會員）
1）首先，打開<毛孩街> Apps ，喺右下角「我的」，選擇「更多」，再按頭頂嘅「申請成為商家」，選擇「網店」；
2）選擇一幅代表自己公司嘅頭像，填寫商戶名稱，有打星星嘅係必須填寫嘅；
3）填聯絡電話。營業時間可以咁樣打出嚟，而網店建議可以打回覆嘅時間；
4) 上傳營業執照，然後填寫你有嘅社交平台，例如Facebook可以去Facebook度複製連結、貼上，IG同樣都係咁。
如何申請網店？（二）
1) 填寫網址；按圖片「+」號，喺你嘅相簿庫選擇你公司嘅產品或服務圖片，最多可以放置10張，建議定期更換最新推廣圖片以保持活躍度。第一張圖片會首先展示，你可以長按拖動排序。
亦可以點擊圖片，打出圖片嘅描述。
2）最後可以填寫100字之內嘅商店介紹，再按提交申請。<毛孩街>會喺三個工作天內批核架喇！批核之後，只要喺Apps首頁最上面搜尋位置就可以搵到你申請嘅網店㗎喇！
下一部快啲同我哋傾吓<毛孩街> 身份證優惠，同埋叫你地嘅朋友或者顧客留言啦！
如果想網店增加暴光率，歡迎隨時聯絡我哋了解詳情！
如何申請成為領養機構？（一）
1) 首先，打開<毛孩街> Apps ，喺右下角「我的」選擇「更多」，再按頭頂「申請成為商家」後，選擇「申請為領養機構」；
2) 選擇一幅代表你領養機構嘅頭像，填寫領養機構名稱，有打星星嘅必須填寫；
3) 填聯絡電話及商戶地址
4) 按入地圖位置，可以放大及移動地標，當地標停低，詳細地址會喺下方彈出，如果正确可以按綠色√號便完成了。
如何申請成為領養機構？（二）
1）填寫網頁/社交平台連結；
2）填寫領養活動資料，可按「+」號選擇圖片，可以係最近或者過去嘅領養活動照片，目的令更多人了解你嘅領養情況，再加埋文字描述後按確定。
3）填寫捐款方式，捐款方法可以用圖片，或者係用文字表示，填妥後按確定；
4）選擇領養機構圖片，呢啲圖片會擺喺置頂介紹，填埋簡單介紹你嘅領養機構，填完後按提交。
<毛孩街>會喺72小時內批核㗎喇！
領養機構如何上傳浪浪資料？
1）填寫網頁/社交平台連結；
2）填寫領養活動資料，可按「+」號選擇圖片，可以係最近或者過去嘅領養活動照片，目的令更多人了解你嘅領養情況，再加埋文字描述後按確定。
3）填寫捐款方式，捐款方法可以用圖片，或者係用文字表示，填妥後按確定；
4）選擇領養機構圖片，呢啲圖片會擺喺置頂介紹，填埋簡單介紹你嘅領養機構，填完後按提交。
<毛孩街>會喺72小時內批核㗎喇！
領養機構如何更改浪浪領養狀況？
1）如果浪浪有任何資料狀況更改，可以返返去「我的」「更多」「更改機構資料」呢度
2）點擊返你想更改狀況嘅圖片，再按右上角呢個符號。
3）選擇你想更改嘅狀況，例如浪浪已被領養可以選擇「顯示已被領養」，再按確定，版面就即時顯示「已被領養」，而返回領養icon, 其他人都會見到呢隻小動物係「已被領養」㗎啦！
<毛孩街>希望籍住呢個平台，令更多浪浪快啲搵到屋企啦❤️
限時動態(一) 商家如何上傳限時動態
1）首先，打開<毛孩街> Apps ，碌落去限時動態，按入第一個圖片「+」號；
2）你可以選擇即時「拍攝視頻」，或「本地相冊」喺你相簿庫內挑選影片或相片；
3）如在相簿庫選擇了一條片，待影片壓縮之後，可以在左邊寫出影片描述，完成後按發佈動態。
4）注意！🈲️ 所發佈嘅標題或者內容並唔能夠有二維碼或者網址引導離開<毛孩街>Apps。❤️🔥而每個動態最多保留48小時會自動消失；
5）再按「同意及發佈」》
頁面就會即時發佈你剛剛上傳嘅動態；
6）注意！！如商家發佈嘅動態不正常，觀看者係有權對發佈商家封鎖10日或者舉報問題。而你自己亦都可以刪除訊息。
限時動態（二）毛孩友善地圖運用
1）按入地圖就可以見到你登記時嘅地址會有”Hi” 字；
2）”Hi” 字亦會根據你24小時內發佈次數有唔同顏色： 1次 綠色 、2次橙色 、5次紫色 、10次紅色；
3)輕觸”Hi” , 即可見到各商戶資料；
4）按入”Hi” 字係可以連接商家限時動態版面。
5）你所發佈嘅動態會根據最近時間排序，最多10個。
6）可在地圖根據動態及各寵物行業的大分類從地圖搵出各商戶位置，方便因地域需要搜尋
7）注意‼️ 由於網店無實際地址並不會顯示在地圖裏面
8）希望各位鍾意專為毛孩而設的第一個寵物專用地圖😊
如何申請上傳活動資料
1)打開 Apps 中間捷徑位置碌去活動呢個Icon按入；
2)按右下角藍色「+」
3）填寫活動名稱、日期（由邊日至邊日？如果同一日嘅話可以按當日兩次）完成按確定
4）選擇時間（撥動活動由幾多點至到幾多點）
5）填寫參加活動費用，如果唔需要費用可以打「0」
6）填寫聯絡電話同埋社交平台
7）選擇活動分類：如果你係線上活動所有嘅資料唔係必填嘅，但如果你係線下活動係必須要填寫活動地址同埋地區。
8）可以按入地圖位置，呢個地標可以移動或放大地圖，當地標停低，詳細地址會喺下方彈出，如果正确可以按綠色√號便完成了。
9）再上傳活動海報或者圖片
10）最後就係描述一下活動同埋詳細資料再按確定，<毛孩街>就會係72小時內批核㗎喇！
如果想知道點樣更有效推廣活動歡迎隨時同我哋聯絡吖！